KAUKAVU TAMEISOU ANE IOANESI MUKAUKAVU MULAI NOXIE SEMA VILE
Vaikala lamana
Uoli voloxu ane 'o ne, tila vile no anu lalotu mukaukavunu mulai noxie sema vile e anu mumasaxaie mulolutu ilo'a ta 'ilie. Ta mitema tavu'alo mi'oxo lexe vaikala ne laaxu lexe ta temanu lalotu no anu taasou lalotu vile. Anu muvikalane'i lexe imasaxai'a ngatongato'o xe ilaxaine'i noxi'a ta mitema sou kalakalavoi no anu kalakalavoi noxi'a.A'alo muai no nano aloxo 'oVaikala lamana 1-3Tamulinu 'ilixo sou tamasaxainge maninasou 4-6Ngalaxa'ingengi noxi'a ta mitema sou kalakalavoi 7-11Vaikala kaluxusou 12-13
2 John
1Eni atatila. Akaukavunu vaivaikala ane 'o ulai noxine nini sema ngongi'a ta 'iline e Lataua musosovosine. Tava'u xo vaikala manina noxou Lataua mumauli noxinge mo muxolu noxinge no voxovoxo utotomu, la sou eni e'osa manina. Ia enisisi a'osa uasi, ane'i ane milavusou vaikala manina noxou Lataua kalumo mi'osasinge.3Nenge telavusou vaikala manina noxou Lataua mo temasaxainge ngatongato'o, la sou eni emasaxa lexe alauna mo tanutanuxu mo opo se'isisi noxou Lataua Maminge ilou 'Olu Iesu Kalisito uxolu noxinge.
4 aEni emaisi'a ta 'iline se'i mimulinu vaikala manina noxou Lataua loxo anu Maminge muvikala pekia'u lexe nenge tamulinu. Eni emaisi'a aloxo ne, la sou e'osa manina misevile. 5 bLa sou vaimomo 'o, eni akaukavunu lapuloto vile alavua noxine nini sema uasi. Ia ekaukavunu lapuloto e Lataua mulosinge tei no mine nenge temuxaxu tanenge noxou Iesu. Lapuloto ne muvikala pekia'u lexe tamasaxainge ngatongato'o. 6Tamasaxainge ngatongato'o, la nenge tamulimulinu lapulapuloto noxou. Aloxo ngingi ngelomusou tei lexe Lataua muvikala pekia'u lexe ngingi ngemulinu 'ilixo sou ngamasaxai'a ta mitema.
7 cNgingi ngamulinu lapuloto noxou Lataua lexe ngamasaxainge ngatongato'o, xo ta mitema tavu'alo ilavusou ikalavoine'i ta mitema a milaa milu'e no lia 'o mukalu. No anu vaivaikala noxi'a, la ivikala lexe Iesu Kalisito anu uxali itema manina uasi. Ta mitema e ivikala aloxo ne ne, ane'i ikalavoine'i ta mitema xo ane'i ta ulua Kalisito. 8La sou ngasaxila'inge laixe noxi'a, loxo 'o io ngaxovulaunu lakolisou xaixai laixe e nge'oxonu no lia 'o uasi. Ia ngano'u lakolisou umomomo no anu xaixai e nge'oxonu. 9'Ei ane upolopepeenu mii ane Kalisito mulosiengexu mo utetelisou uasi, la Lataua uxolu noxou uasi. Ia 'ei ane utetelisou mii ane ne, la Maminge ilou 'Olu ixolu noxou. 10Xe lexe itema vile une'e no tani noxine, ia une'enu mii ane Kalisito ulosiengixu uasi, la na'osasou mo na'avalou ulai no tani noxine uasi. 11Ia 'ei ane u'osasou mo u'avalou ulai no tani noxou, la anu u'oxonu 'ili'ilixo masua loxo anu u'oxo'oxonu ne.
12Eni vaivaikala tavu'alo lexe akaukavumengixu a uxolu. Ia eni amasaxa lexe akaukavunu no anu su'i uasi. Emasaxa lexe alai noxinge mo nenge'a taxolu tapita sou tavivikala. Lexe nenge'a taxolu tapita, la nenge ta'osa manina.
13Vaivaikala noxilo asenesi. Ia vivine ane 'o Lataua musosovosie ta 'ilie misovanu aso laixe ulai noxinge.
Copyright information for
ATA